Nagkaayos na pala ang celebrity couple na sina Elisse Joson at McCoy de Leon ilang linggo matapos bumandera ang kanilang paghihiway at mismong si McCoy ang nagsabi na okay na uli sila ni Elisse after he admitted in public na nag-break na sila ng aktres dahil sa ilang personal na dahilan.
Kung matatandaan, kinumpirma ni McCoy na hiwalay na sila ni Elisse sa pamamagitan ng Instagram noong January 4, 2023. Pero makalipas ang ilang linggo, nabalita ngang nagkausap at nagkabalikan na nga ang magdyowa.
Kasunod nito, kumalat nga sa social media ang litrato nina Elisse at McCoy na kuha sa isang amusement park sa Tagaytay City kasama ang kanilang anak.
Kamakailan, sa YouTube vlog ni Ogie Diaz ay ipinaliwanag ni Mama Loi na noong January 13 ay namataang magkasama ang magdyowa.
“Eh, kasi nga Nay, nu’ng Friday the 13th, sa shooting ng isang project na kasama si Elisse Joson, kasama niya sa shooting si McCoy pero hindi kasama si McCoy dun sa project ha,” sabi ni Mama Loi.
Dagdag pa niya, hanggang matapos raw ang naturang shooting ay nandoon si McCoy kahit hindi naman siya kasali at bitbit pa nito ang mga gamit ng aktres.