Nitong nakaraan ay ibinahagi ni Miss Grand International 2020 first runner-up at dating “Pinoy Big Brother” housemate na si Samantha Bernardo na isa siya sa mga personalidad na gumawa ng “No Filter Challenge”.
Sa kanyang Instagram reels na ibinahagi niya noong Agosto 24 ay proud na ibinandera ng beauty queen ang kanyang bare face kung saan kita ang kanyang pimple marks at freckles.
“I use to conceal my freckles and pimple marks because it was deemed not beautiful and a flaw,” saad ni Samantha.
Hinimok rin ng beauty queen ang madlang pipol at kanyang mga followers na huwag matakot na magpakatotoo at ipakita ang kanilang ganda.
“In a world where LIKES seems like currency and FILTER seems normal, let’s make it a trend to show our real selves as much as possible,” pagpapatuloy ni Samantha.
Giit pa niya, “Behind every Instagram worthy photos, THIS IS ME and THIS IS MY REALITY.”
Marami naman sa mga netizens ang na-inspire sa ibinahaging IG reels ni Samantha.
Bukod rito ay mas tumaas rin ang tingin sa kanya ng mga tagasuporta dahil hindi biro ang pamantayan ng kaganda lalo na sa industriyang kinabibilangan ng dalaga.
“Who said freckles are not beautiful? Ako nga na-iinggit ako sa mga may freckles eh. But I believe each and every person no matter what skin texture and color they have, they are beautiful in their own way,” comment ng isang netizen.