Aminado ang K-Pop superstar na si Sandara Park na handang-handa na siyang pumasok sa seryoso at pangmatagalang relasyon dahil mas emotionally stable na siya ngayon sa edad na 37.
Ayon sa dalaga, hindi raw tumatagal ang mga past relationships niya at marami umano siyang kuwento about her dating experiences.
“I really want to date someone for a long time. I live alone now, and things are much better with my life. I’ve also become more mature. I’m ready for that,” pahayag ni Sandara na dating member ng K-pop girl group na 2NE1.
Pagbabahagi pa ng Korean actress at singer, noong active member pa siya ng 2NE1, meron talagang ipinatutupad na dating ban ang kanilang entertainment agency na YG Entertainment.
Ito’y para mapangalagaan daw ang image ng kanilang talents and artists.
“I’m a cyber lover. I listened to every word that our agency head told me before. There was no dating rule for some time, and I abided by the rule. Even when my boyfriend said he was at the apartment complex where our dorm was, I told him that I couldn’t go out to see him,” sabi ni Sandara.
Dumating naman daw yung araw na pinayagan na rin siyang makipag-date ng kanilang management pero hindi umano kumalat ang kanyang mga relasyon noon dahil sa isang “ipinagbabawal na teknik.”
“Well, it’s because I always break up before our photos are ever taken. I break up before any rumors start to spread. That’s why. I’ve never dated anyone for that long,” sabi ni Sandara.
Samantala, hanggang ngayon ay usap-usapan pa rin ng mga fans ang pag-attend ni Sandara sa Paris Fashion Week kung saan talagang agaw-eksena ang inirampa niyang nga OOTD.