Nitong Sabado ay naiulat na isang pulis na naka-civilian umano ang nagpunta sa bahay ng broadcaster na si JP Soriano kung saan nagtanong umano ito nang ilang mga bagay kaugnay sa seguridad.
Sa kanyang social media post, ibinahagi ni Soriano ang pangyayari na umani naman ng iba’t ibang opinyon at ang ilan ay nagsasabing nakakabahala ang ganitong gawain ng ilang mga miyembro ng Philippine National Police.
Ayon sa ilan, paglabag umano sa privacy act ang ginagawang “pag-check” sa mga mamamahayag at nakakabahala umano na alam ng mga pulis ang kanilang mga address sa bahay.
Nitong nakaraan, humingi ng paumanhin si National Capital Region Police Office (NCRPO) chief BGen Jonnel Estomo at sinabing “gesture” lamang ito upang maprotektahan umano ang mga journalists kasunod nang pagkakapaslang sa broadcaster na si Percival “Percy Lapid” Mabasa.
“In as much as the NCRPO is concerned about the safety and welfare of our mediamen, we confirm that it was our gesture to know if there are threats on their lives and of their families in order to assess the security assistance that we have to accord to them,” saad ni Estomo.
“Though we have a good intention to this endeavor, I personally apologize to all our media friends and investigation is already on place pertaining to this incident,” dagdag pa niya.
Kasalukuyan na umanong iniimbestigahan ang nangyaring insidente at ipinatawag na umano ang pulis na nagtungo sa bahay ni Soriano.
Ayon naman sa broadcaster, mas nababahala siya kung paano nalaman kung saan siya nakatira.
“He was just following orders I’m sure kaya please do not suspend/reprimand him. Ang issue ko [here] is paano at saan nila nakuha ang home address namin?” sabi ni Soriano sa isang pahayag.
Samantala, kinondena naman ng National Union of Journalists in the Philippines at sinabing ang insidente ay “unassuring.”
“While the National Capitol Region Police Office’s statement that they would reach outto journalists in the wake of Pethe murder of Percy Lapid is welcome and encouraging, the National Union of Jounalists of the Philippines is concerned at reports of police officers visiting colleagues in their homes and without proper coordination,” sabi ng NUJP.
“Assuming good faith, these meetings and dialogues are best done through newsrooms or through the various press corps, press clubs, and journalists’s organizations in the capital,” dagdag nito.
Kung iisiping mabuti, maganda ang hangarin ng PNP na protektahan ang mga mamamahayag, pero ang siste, sa maling pamamaraan nila ito isinasagawa.
Kailangan talagang maimbestigahan itong mabuti.